சீனா மற்றும் இந்தோனேசியாவில் அடுத்தடுத்து சக்திவாய்ந்த நிலநடுக்கங்கள்: உயிரிழப்பு மற்றும் கட்டட சேதம்
சீனா மற்றும் இந்தோனேசியாவில் அடுத்தடுத்து ஏற்பட்ட சக்திவாய்ந்த நிலநடுக்கங்கள் உயிரிழப்பு மற்றும் கட்டட சேதங்களை ஏற்படுத்தியுள்ளன. சீனாவில் ஒருவர் உயிரிழந்த நிலையில், இந்தோனேசியாவில் பல கட்டடங்கள் சேதமடைந்தன.
Prasanth Subramani 
சீனா மற்றும் இந்தோனேசியாவில் செவ்வாய்க்கிழமை அடுத்தடுத்து ஏற்பட்ட சக்திவாய்ந்த நிலநடுக்கங்கள் பொதுமக்களிடையே அச்சத்தை ஏற்படுத்தியுள்ளன. இரு நாடுகளிலும் நிலநடுக்கத்தால் உயிரிழப்பு மற்றும் கட்டட சேதங்கள் பதிவாகியுள்ளன.
வடமேற்கு சீனாவின் ஹைசி மங்கோலியா மற்றும் திபெத் தன்னாட்சிப் பகுதியில் ரிக்டர் அளவுகோலில் 6.3 அலகுகளாக சக்திவாய்ந்த நிலநடுக்கம் பதிவானது. இந்த நிலநடுக்கத்தால் ஒருவர் உயிரிழந்ததுடன், மேலும் 4 பேர் படுகாயமடைந்ததாக அதிகாரிகள் தெரிவித்துள்ளனர். பாதிக்கப்பட்ட பகுதிகளில் மீட்பு மற்றும் நிவாரணப் பணிகள் தீவிரப்படுத்தப்பட்டுள்ளன.
இதனைத் தொடர்ந்து இந்தோனேசியாவின் மத்திய சுலாவேசி மாகாணத்தில் உள்ள பாலு நகருக்கு அருகே ரிக்டர் அளவுகோலில் 6.7 அலகுகளாக நிலநடுக்கம் ஏற்பட்டது. இந்த சக்திவாய்ந்த அதிர்வால் பல கட்டடங்கள் இடிந்து விழுந்து சேதமடைந்தன. நிலநடுக்கத்தின் தாக்கம் காரணமாக பொதுமக்கள் பாதுகாப்பான இடங்களுக்கு வெளியேறினர்.
நிலநடுக்கத்தால் ஏற்பட்ட சேதங்கள் குறித்து அதிகாரிகள் தொடர்ந்து ஆய்வு மேற்கொண்டு வருகின்றனர். மீட்பு குழுக்கள் பாதிக்கப்பட்ட பகுதிகளில் களமிறங்கி சேத மதிப்பீடு மற்றும் நிவாரணப் பணிகளை மேற்கொண்டு வருகின்றன.
சமீப காலமாக ஆசிய நாடுகளில் நிலநடுக்கச் சம்பவங்கள் அதிகரித்து வரும் நிலையில், இந்த இரண்டு சக்திவாய்ந்த நிலநடுக்கங்களும் சர்வதேச அளவில் கவனத்தை ஈர்த்துள்ளன.
