கோயம்புத்தூரில் ‘தி யங் கார்ல் மார்க்ஸ்’ திரைப்படத் திரையிடல் மற்றும் கலந்துரையாடல் ஜூன் 20-ல்

திரைப்பட ஆர்வலர்கள் மற்றும் சமூக அரசியல் சிந்தனையாளர்களுக்காக, ‘தி யங் கார்ல் மார்க்ஸ்’ (The Young Karl Marx - 2017) திரைப்படத்தின் சிறப்பு திரையிடல் மற்றும் அதனைத் தொடர்ந்து கலந்துரையாடல் நிகழ்ச்சி கோயம்புத்தூரில் நடைபெறவுள்ளது.

ஜெர்மனி, பிரான்ஸ் மற்றும் பெல்ஜியம் நாடுகளின் கூட்டுத் தயாரிப்பில் உருவான இந்த திரைப்படத்தை புகழ்பெற்ற இயக்குநர் ரவுல் பெக் இயக்கியுள்ளார். ஜெர்மன், ஆங்கிலம் மற்றும் பிரெஞ்சு மொழிகளில் உருவான இப்படம் ஆங்கில துணைஉரைகளுடன் திரையிடப்பட உள்ளது.

இந்த திரைப்படம் 26 வயதான கார்ல் மார்க்ஸின் வாழ்க்கையின் முக்கியமான கட்டத்தை மையமாகக் கொண்டது. தனது மனைவி ஜென்னியுடன் நாடுகடத்தலின் பாதையில் பயணிக்கும் மார்க்ஸ், 1844ஆம் ஆண்டு பாரிசில் ஃபிரிட்ரிக் எங்கல்ஸை சந்திக்கிறார். தொழிலாளர் வர்க்கத்தின் நிலைமை குறித்து ஆழமாக சிந்தித்த இருவரும் இணைந்து நவீன தொழிலாளர் இயக்கத்தின் அடித்தளத்தை உருவாக்கும் பயணத்தை இந்த திரைப்படம் சுவாரஸ்யமாக சித்தரிக்கிறது.

தணிக்கை, காவல்துறை ஒடுக்குமுறை, அரசியல் கலவரங்கள் மற்றும் சமூக மாற்றங்கள் நிறைந்த காலகட்டத்தில் கார்ல் மார்க்ஸ் மற்றும் ஃபிரிட்ரிக் எங்கல்ஸ் உருவாக்கிய சிந்தனைகள் எவ்வாறு உலக வரலாற்றில் தாக்கத்தை ஏற்படுத்தின என்பதை படம் வெளிப்படுத்துகிறது.

இந்த திரைப்படத் திரையிடல் 2026 ஜூன் 20ஆம் தேதி (சனிக்கிழமை) மாலை 6.00 மணிக்கு நடைபெறுகிறது. நிகழ்ச்சிக்கான நுழைவுக் கட்டணம் ₹150 என நிர்ணயிக்கப்பட்டுள்ளது. அதே நேரத்தில், அனைத்து மாணவர்களுக்கும் இலவச அனுமதி வழங்கப்படுகிறது.

நிகழ்ச்சி விவரங்கள்

திரைப்படம்: The Young Karl Marx (2017)

இயக்கம்: ரவுல் பெக்

மொழி: ஜெர்மன், ஆங்கிலம், பிரெஞ்சு (ஆங்கில துணைஉரைகளுடன்)

நேரம்: 118 நிமிடங்கள்

தேதி: 20 ஜூன் 2026 (சனிக்கிழமை)

நேரம்: மாலை 6:00 மணி

நுழைவுக் கட்டணம்: ₹150

GPay: 9791825954

மாணவர்களுக்கு: இலவச அனுமதி

இடம்

Clusters Institute of Media and Technology
439, காமராஜர் சாலை,
ஹோப் கல்லூரி அருகில்,
பீளமேடு,
கோயம்புத்தூர் – 641004

திரைப்படத் திரையிடலுக்குப் பிறகு நடைபெறும் கலந்துரையாடலில் பங்கேற்று கருத்துகளைப் பகிர்ந்து கொள்ளவும், சினிமா மற்றும் சமூக சிந்தனைகள் குறித்த விவாதங்களில் இணைந்து கொள்ளவும் அனைவரும் அன்புடன் அழைக்கப்படுகிறார்கள்.