மு.க. ஸ்டாலின் தலைமையில் இன்று சென்னை அண்ணா அறிவாலயம் வளாகத்தில் திராவிட முன்னேற்றக் கழகம் சட்டப்பேரவை உறுப்பினர்கள் கூட்டம் நடைபெற்றது.
இந்த கூட்டத்தில், தமிழ்நாடு தற்போதைய சூழலில் இன்னொரு தேர்தலுக்கு தயாராக இல்லை என்றும், அரசியல் மற்றும் நிர்வாக சூழ்நிலைகளை கருத்தில் கொண்டு அவசர முடிவுகளை உடனடியாக எடுக்கும் அதிகாரத்தை மு.க. ஸ்டாலின்க்கு வழங்குவது உள்ளிட்ட 4 முக்கிய தீர்மானங்கள் நிறைவேற்றப்பட்டதாக தகவல்கள் தெரிவிக்கின்றன.
கூட்டத்தில் உரையாற்றிய மு.க. ஸ்டாலின், “சிறப்பான எதிர்க்கட்சியாக செயல்பட வேண்டும் என்பது என்னுடைய விருப்பம்” என்று தெரிவித்தார். மேலும், கட்சியின் நலனை கருத்தில் கொண்டு மூத்த நிர்வாகிகளுடன் ஆலோசித்து சில முக்கிய அரசியல் முடிவுகள் எடுக்க வேண்டியிருப்பதாகவும் கூறினார்.
அதேபோல், தலைமை எத்தகைய முடிவுகளை எடுத்தாலும், அனைத்து சட்டப்பேரவை உறுப்பினர்களும் கட்டுப்பாட்டுடன் செயல்பட வேண்டும் என அவர் கேட்டுக்கொண்டதாக கூறப்படுகிறது.
மேலும், வரும் மே 10 ஆம் தேதி வரை அனைத்து திராவிட முன்னேற்றக் கழகம் எம்.எல்.ஏக்களும் சென்னையிலேயே தங்கியிருக்க வேண்டும் எனவும் அறிவுறுத்தப்பட்டுள்ளதாக தகவல்கள் வெளியாகியுள்ளன.
தமிழகத்தில் நிலவி வரும் அரசியல் பரபரப்பான சூழ்நிலையில், இந்த கூட்டமும் அதில் நிறைவேற்றப்பட்ட தீர்மானங்களும் முக்கியத்துவம் வாய்ந்ததாக பார்க்கப்படுகின்றன.
Dhiyanesh
