‘OM – Chapter 1’ படத்தில் மம்மூட்டி – பர்மா கார்த்திகேயன்!
தனுஷ் நடிப்பில் உருவாகும் ‘OM – Chapter 1: Udhiram – The Blood Wood’ படத்தில் மம்மூட்டி ‘பர்மா கார்த்திகேயன்’ என்ற கதாபாத்திரத்தில் நடிக்கிறார். அவரது கதாபாத்திர அறிமுக வீடியோ 75-வது பிறந்தநாளை முன்னிட்டு வெளியாகியுள்ளது.
Dharshini
தனுஷ் நடிப்பில் உருவாகும் ‘OM – Chapter 1: Udhiram – The Blood Wood’ படத்தில் மம்மூட்டியின் கதாபாத்திர அறிமுக வீடியோ அவரது 75-வது பிறந்தநாளை முன்னிட்டு வெளியாகியுள்ளது.
இப்படத்தில் மம்மூட்டி ‘பர்மா கார்த்திகேயன்’ என்ற கதாபாத்திரத்தில் நடிக்கிறார். ‘சியா’ அல்லது ‘தி எல்டர் ஒன்’ என அழைக்கப்படும் இவர், மக்களிடமும் காவல்துறையினரிடமும் செல்வாக்கு கொண்ட கடத்தல் தொழிலில் ஈடுபடும் நபராக அறிமுகப்படுத்தப்படுகிறார்.
‘அமரன்’ படப்புகழ் ராஜ்குமார் பெரியசாமி இயக்கும் இப்படத்தில் தனுஷுடன் சாய் பல்லவி, ஸ்ரீலீலா, நசீருதீன் ஷா உள்ளிட்டோர் நடிக்கின்றனர்.
7 ஆண்டுகளுக்குப் பிறகு மம்மூட்டி மீண்டும் தமிழ் சினிமாவில் நடிக்கும் இப்படம், அக்டோபர் 16, 2026 அன்று வெளியாகிறது.
மம்மூட்டியின் ‘பர்மா கார்த்திகேயன்’ கதாபாத்திர அறிமுகம் வெளியாகியுள்ள நிலையில், இப்படம் தொடர்பான எதிர்பார்ப்பு ரசிகர்கள் மத்தியில் மேலும் அதிகரித்துள்ளது.
