வங்கதேசத்தை 40 ரன்கள் வித்தியாசத்தில் வீழ்த்தி இறுதிப்போட்டிக்கு முன்னேறியது இந்தியா!
மகளிர் ஆசியக் கோப்பை 2026 அரையிறுதியில் வங்கதேசத்தை 40 ரன்கள் வித்தியாசத்தில் வீழ்த்தி இந்தியா இறுதிப்போட்டிக்கு முன்னேறியது. ஷஃபாலி வர்மா 64 ரன்கள் விளாச, தீப்தி சர்மா 3 விக்கெட்டுகளை வீழ்த்தினார்.
Prasanth Subramani
மகளிர் ஆசியக் கோப்பை 2026 தொடரின் அரையிறுதியில் வங்கதேசத்தை 40 ரன்கள் வித்தியாசத்தில் வீழ்த்திய இந்திய மகளிர் அணி, இறுதிப்போட்டிக்கு முன்னேறியுள்ளது.
முதலில் பேட்டிங் செய்த இந்திய அணி 20 ஓவர்களில் 6 விக்கெட்டுகள் இழப்புக்கு 149 ரன்கள் எடுத்தது. இந்திய அணியின் தொடக்க வீராங்கனை ஷஃபாலி வர்மா அதிரடியாக விளையாடி 40 பந்துகளில் 64 ரன்கள் விளாசினார்.
149 ரன்கள் என்ற இலக்கை துரத்திய வங்கதேச அணிக்கு இந்திய பந்துவீச்சாளர்கள் கடும் நெருக்கடி கொடுத்தனர். 20 ஓவர்கள் முடிவில் வங்கதேச அணி 7 விக்கெட்டுகள் இழப்புக்கு 109 ரன்கள் மட்டுமே எடுத்தது.
இந்திய அணியின் பந்துவீச்சில் தீப்தி சர்மா சிறப்பாக செயல்பட்டு 3 விக்கெட்டுகளை வீழ்த்தினார். இதன் மூலம் வங்கதேச பேட்டர்களை கட்டுப்படுத்திய இந்திய அணி, 40 ரன்கள் வித்தியாசத்தில் வெற்றியை பதிவு செய்தது.
இந்த வெற்றியின் மூலம் இந்திய மகளிர் அணி மகளிர் ஆசியக் கோப்பை வரலாற்றில் 10-வது முறையாக இறுதிப்போட்டிக்கு முன்னேறியுள்ளது.
இலங்கை மற்றும் பாகிஸ்தான் அணிகளுக்கு இடையேயான மற்றொரு அரையிறுதியில் வெற்றி பெறும் அணியை, இறுதிப்போட்டியில் இந்தியா எதிர்கொள்ள உள்ளது.
