பிரபல தமிழறிஞர் சாலமன் பாப்பையா காலமானார்: வயது 90
பிரபல தமிழறிஞரும் பட்டிமன்ற நடுவருமான சாலமன் பாப்பையா இன்று மதுரையில் வயது முதிர்வு காரணமாக காலமானார். அவருக்கு வயது 90. தமிழ் மற்றும் பட்டிமன்றத் துறைக்கு அவர் ஆற்றிய பங்களிப்பு நினைவுகூரப்படுகிறது.
Prasanth Subramani 
பிரபல தமிழறிஞரும், பட்டிமன்ற நடுவரும், பேச்சாளருமான சாலமன் பாப்பையா இன்று செப்டம்பர் 11, 2026 அன்று மதுரையில் வயது முதிர்வு காரணமாக காலமானார். அவருக்கு வயது 90.
மதுரை அமெரிக்கன் கல்லூரியில் தமிழ்த்துறை தலைவராகப் பணியாற்றிய சாலமன் பாப்பையா, தனது நகைச்சுவை கலந்த பேச்சு, எளிமையான தமிழ் மற்றும் தனித்துவமான பட்டிமன்ற நடுவர் பாணி மூலம் தமிழகம் முழுவதும் பெரும் வரவேற்பைப் பெற்றவர்.
தமிழ் மொழிக்கான அவரது பங்களிப்பைப் பாராட்டி கலைமாமணி மற்றும் பத்மஸ்ரீ உள்ளிட்ட விருதுகள் வழங்கப்பட்டுள்ளன. பல ஆண்டுகளாக பட்டிமன்றங்கள் மற்றும் தமிழ் சார்ந்த நிகழ்ச்சிகளில் பங்கேற்று தமிழ் மொழியையும் இலக்கியத்தையும் மக்களிடம் எளிமையாக கொண்டு சேர்த்தவர் என்ற சிறப்பையும் பெற்றிருந்தார்.
சாலமன் பாப்பையாவின் மறைவு தமிழ் இலக்கியம், பட்டிமன்றம் மற்றும் கலைத்துறையினரிடையே பெரும் சோகத்தை ஏற்படுத்தியுள்ளது. அவரது மறைவுக்கு பல்வேறு தரப்பினரும் இரங்கல் தெரிவித்து வருகின்றனர்.
