உள்தமிழகத்தில் கனமழைக்கு வாய்ப்பு: கோவை, ஈரோடு உள்ளிட்ட மாவட்டங்களுக்கு எச்சரிக்கை
தமிழகத்தில் நிலவும் வளிமண்டல சூழல் காரணமாக உள்மாவட்டங்களில் கனமழைக்கு வாய்ப்புள்ளதாக வானிலை மையம் எச்சரித்துள்ளது. கோவை, ஈரோடு, சேலம், தருமபுரி, வேலூர் உள்ளிட்ட மாவட்டங்களில் இடி, மின்னல் மற்றும் பலத்த காற்றுடன் மழை பெய்யக்கூடும்.
Dharshini
தமிழகத்தில் நிலவும் வளிமண்டல சூழல் காரணமாக உள்மாவட்டங்களில் மழை தீவிரமடைய வாய்ப்புள்ளதாக வானிலை மையம் தெரிவித்துள்ளது.
கோயம்புத்தூர், ஈரோடு, கிருஷ்ணகிரி, சேலம், தருமபுரி, வேலூர் மற்றும் திருப்பத்தூர் உள்ளிட்ட மாவட்டங்களில் இன்று இடி, மின்னல் மற்றும் பலத்த காற்றுடன் கனமழை பெய்யக்கூடும் என எச்சரிக்கை விடுக்கப்பட்டுள்ளது.
கோவை மற்றும் ஈரோடு பகுதிகளில் மழைக்கான வாய்ப்பு அதிகமாக உள்ள நிலையில், மேற்கு தமிழகத்தின் பல்வேறு பகுதிகளிலும் மழை பெய்யக்கூடும் என எதிர்பார்க்கப்படுகிறது.
சென்னையில் மாலை அல்லது இரவு நேரங்களில் சில பகுதிகளில் இடி, மின்னலுடன் மிதமான மழை பெய்ய வாய்ப்புள்ளதாக தெரிவிக்கப்பட்டுள்ளது.
எனவே, பொதுமக்கள் வானிலை மாற்றங்களை தொடர்ந்து கவனிக்குமாறும், இடியுடன் கூடிய மழை பெய்யும் நேரங்களில் தேவையற்ற பயணங்களை தவிர்க்குமாறும் அறிவுறுத்தப்பட்டுள்ளது.
