ஜூலை 17 வரை கோவையில் போலீஸ் அனுமதியின்றி பொதுக்கூட்டம், பேரணி, போராட்டங்களுக்கு தடை!
கோவை மாநகரில் சட்டம்-ஒழுங்கை பேணும் நோக்கில் ஜூலை 17, 2026 நள்ளிரவு வரை போலீஸ் அனுமதியின்றி பொதுக்கூட்டங்கள், பேரணிகள், போராட்டங்கள், ஆர்ப்பாட்டங்கள் மற்றும் ஒலிபெருக்கி பயன்படுத்தும் நிகழ்ச்சிகளுக்கு தடை விதிக்கப்பட்டுள்ளது.
Prasanth Subramani 
கோவை மாநகரில் பொதுமக்களின் பாதுகாப்பையும், சட்டம்-ஒழுங்கையும் உறுதி செய்யும் வகையில், ஜூலை 17, 2026 நள்ளிரவு வரை போலீஸ் அனுமதியின்றி பொதுக்கூட்டங்கள், பேரணிகள், போராட்டங்கள், ஆர்ப்பாட்டங்கள், உண்ணாவிரதங்கள் மற்றும் ஒலிபெருக்கி பயன்படுத்தப்படும் நிகழ்ச்சிகள் நடத்த தடை விதிக்கப்பட்டுள்ளது.
கோவை மாநகர காவல்துறை வெளியிட்டுள்ள உத்தரவின்படி, மேற்கண்ட அனைத்து நிகழ்வுகளும் முன்கூட்டியே காவல்துறையின் அனுமதி பெற்றிருந்தாலே நடத்த முடியும். அனுமதியின்றி நடத்தப்படும் எந்தவொரு பொதுநிகழ்வும் விதிமுறை மீறலாக கருதப்பட்டு உரிய நடவடிக்கை எடுக்கப்படும் என்று தெரிவிக்கப்பட்டுள்ளது.
பொதுமக்களின் பாதுகாப்பு, அமைதி மற்றும் பொது ஒழுங்கை பேணும் நோக்கில் இந்தக் கட்டுப்பாடுகள் அமல்படுத்தப்பட்டுள்ளதாக காவல்துறை தெரிவித்துள்ளது. எனவே பொதுமக்கள் மற்றும் அமைப்புகள் இந்த உத்தரவை முழுமையாக பின்பற்றி காவல்துறையுடன் ஒத்துழைக்குமாறு கேட்டுக் கொள்ளப்பட்டுள்ளனர்.
