போக்குவரத்து நெரிசலில் மாரடைப்பால் சரிந்த நபர்... பேருந்தில் இருந்து குதித்து உயிரைக் காப்பாற்றிய இரு செவிலியர்கள்!
கேரளாவில் போக்குவரத்து நெரிசலின்போது மாரடைப்பால் சரிந்த நபருக்கு, பேருந்தில் பயணித்த இரண்டு செவிலியர்கள் உடனடியாக CPR அளித்து அவரது உயிரைக் காப்பாற்றிய சம்பவம் பாராட்டுகளை பெற்று வருகிறது.
Prasanth Subramani 
கேரளாவில் கடும் போக்குவரத்து நெரிசலின் மத்தியில் மாரடைப்பால் திடீரென சாலையில் சரிந்து விழுந்த நபரின் உயிரை, பேருந்தில் பயணம் செய்த இரண்டு செவிலியர்கள் தங்களின் விரைவான செயல்பாட்டால் காப்பாற்றிய சம்பவம் பரவலான பாராட்டுகளை பெற்று வருகிறது.
போக்குவரத்து நெரிசலால் ஆம்புலன்ஸ் உடனடியாக சம்பவ இடத்தை அடைய முடியாத சூழலில், நிலைமையின் தீவிரத்தை உணர்ந்த அந்த இரு செவிலியர்களும் தயக்கமின்றி பேருந்திலிருந்து இறங்கி, பாதிக்கப்பட்ட நபருக்கு உடனடியாக இதய நுரையீரல் மீட்பு சிகிச்சையான (CPR) அளித்தனர்.
அவர்களின் துரிதமான முதலுதவி காரணமாக அந்த நபரின் உயிர் காக்கப்பட்டதாக தகவல்கள் தெரிவிக்கின்றன. பின்னர் அவர் மேலதிக சிகிச்சைக்காக மருத்துவமனைக்கு அனுப்பி வைக்கப்பட்டார்.
உயிருக்கு போராடிய ஒருவரைக் காப்பாற்ற தங்களது மருத்துவ அறிவையும் மனிதநேயத்தையும் வெளிப்படுத்திய இந்த இரு செவிலியர்களின் செயல் சமூக வலைதளங்களில் பெரும் பாராட்டைப் பெற்று வருகிறது. அவசர காலங்களில் CPR போன்ற முதலுதவி முறைகள் எவ்வளவு முக்கியமானவை என்பதையும் இந்த சம்பவம் மீண்டும் ஒருமுறை உணர்த்தியுள்ளது.
