தொடரும் விலை உயர்வு! இந்தியாவுக்கு அதிகரிக்கும் கச்சா எண்ணெய் இறக்குமதி செலவு
சர்வதேச சந்தையில் கச்சா எண்ணெய் விலை உயர்ந்து வரும் நிலையில், இந்திய கச்சா எண்ணெய் கூடை விலை செப்.7-ல் 106.26 டாலராக உயர்ந்துள்ளது. இறக்குமதி செலவு மற்றும் பணவீக்கத்தில் அழுத்தம் ஏற்படக்கூடும்.
Dharshini
சர்வதேச சந்தையில் கச்சா எண்ணெய் விலை தொடர்ந்து உயர்ந்து வரும் நிலையில், இந்தியாவிலும் இறக்குமதி செய்யப்படும் கச்சா எண்ணெயின் விலை கணிசமாக அதிகரித்துள்ளது.
இந்திய கச்சா எண்ணெய் கூடை விலை செப்டம்பர் 7-ம் தேதி ஒரு பீப்பாய் 106.26 டாலராக உயர்ந்துள்ளது. ஜூலை மாத சராசரியான 82.04 டாலருடன் ஒப்பிடும்போது இது சுமார் 30 சதவீத உயர்வாகும்.
மேற்கு ஆசியாவில் அதிகரித்து வரும் பதற்றம் மற்றும் ஹார்முஸ் நீரிணை வழியாக எரிசக்தி விநியோகத்தில் ஏற்பட்டுள்ள பாதிப்பு ஆகியவை கச்சா எண்ணெய் விலை உயர்வுக்கு முக்கிய காரணங்களாக கூறப்படுகின்றன.
கச்சா எண்ணெய் விலை தொடர்ந்து உயர்ந்தால், இந்தியாவின் எண்ணெய் இறக்குமதி செலவு மேலும் அதிகரிக்கக்கூடும். இதன் தாக்கமாக ரூபாய் மதிப்பு மற்றும் நாட்டின் பணவீக்கத்திலும் அழுத்தம் ஏற்படக்கூடும் என நிபுணர்கள் எச்சரித்துள்ளனர்.
சர்வதேச எண்ணெய் சந்தையில் நிலவும் சூழலை இந்தியா தொடர்ந்து கவனித்து வரும் நிலையில், கச்சா எண்ணெய் விலையின் அடுத்தகட்ட நகர்வு நாட்டின் பொருளாதாரத்தில் முக்கிய தாக்கத்தை ஏற்படுத்தக்கூடும்.
